Diwrnod Agored Coleg Celf Abertawe

Dysgwch fwy am ein hamrywiaeth eang o gyrsiau gradd a chyrsiau uwchraddedig mewn Celf, Dylunio a Ffotograffiaeth.

• Ewch ar daith o gwmpas ein stiwdios a’n gweithdai pwrpasol.
• Dewch i gwrdd â’n darlithwyr ac i sgwrsio â’n myfyrwyr.
• Dysgwch pam ein bod wedi gwneud cystal yn nhabl cynghrair y Guardian 2024.

Beth mae ein Diwrnod Agored yn ei gynnig

Os dewch i un o Ddiwrnodau Agored PCYDDS, cewch gyfle i ddod i’n hadnabod ni, i weld a yw’r brifysgol yn gweddu i chi, ac i grwydro’r ddinas a allai ddod yn gartref i chi. Ar ddiwrnod agored, cewch gwrdd â’r darlithwyr a fydd yn eich addysgu yn ogystal â chael cyfle i weld y cyfleusterau a’r mannau dysgu sy’n allweddol i’ch cwrs chi.

Dysgwch fwy am ble byddwch chi’n aros trwy siarad â’n timau llety, a thrafodwch pa ddewisiadau llety sydd ar gael i chi. Cewch sgwrsio gyda’r rhai sy’n astudio â ni ar hyn o bryd a chlywed ble sydd orau i gymdeithasu ac i fwynhau yn Abertawe.

Ac yn bwysicaf oll, cewch atebion i’r cwestiynau sydd o bwys i chi.