Cymdeithaseg

A ydych chi wedi ystyried pam mae ein cymdeithas ni fel y mae hi? A ydych chi erioed wedi ystyried pam mae rhai pobl yn cael eu heithrio? Cymdeithaseg yw’r astudiaeth o ddatblygiad, strwythur a gweithrediad cymdeithas ddynol, ac mae ein rhaglen Cymdeithaseg yn ymchwilio i’r cwestiynau hyn ac yn eich helpu i ffurfio dealltwriaeth o’r amrywiaeth sy’n bodoli o fewn cymdeithasau dynol.

Mae ein rhaglen Cymdeithaseg wedi’i chynllunio i roi dealltwriaeth ddofn i chi o gymhlethdodau cymdeithas a’r grymoedd cymdeithasol sy’n siapio’r byd. Mae cymdeithasegwyr yn ceisio deall sut mae cymdeithas yn gweithio a’r rhesymau pam, o bryd i’w gilydd, nad yw’n gweithio. Gyda ni, byddwch yn dysgu am amrywiaeth o anghenion dynol ac anghenion cymdeithasol, yn ogystal â’r polisïau cymdeithasol a’r sefydliadau lles sy’n bodoli i’w diwallu.  

Trwy ein rhaglen Cymdeithaseg, byddwch yn datblygu sgiliau meddwl beirniadol ac yn meithrin dealltwriaeth o hawliau a chyfrifoldebau. Cewch ddatblygu dealltwriaeth eang o faterion a datrysiadau cymdeithasegol yn ogystal â datblygu eich sgiliau ymchwilio, a hynny er mwyn i chi gael ymuno â’r diwydiant yn barod ar gyfer y byd fel yr ydym ni’n ei adnabod. Byddwch yn ennill y sgiliau hyn ynghyd â gwybodaeth ddyfnach wrth i chi ymchwilio i’r modiwlau sy’n cael eu rhannu ar draws y ddisgyblaeth.  

Byddwch yn cael eich addysgu gan ddarlithwyr ymchwilgar a fydd yn rhoi profiad addysgol heriol a gwerth chweil i chi. Mae gan ein darlithwyr ddealltwriaeth ymarferol sy’n sicrhau eu bod yn cadw mewn cysylltiad â’r byd go iawn, a byddan nhw’n darparu astudiaethau o’r byd go iawn i chi.  

Rydyn ni’n caniatáu rhyddid i’n myfyrwyr ddysgu, a chewch gyfle i ymchwilio i’r maes Cymdeithaseg sydd o’r diddordeb mwyaf i chi. Dysgwch beth sy’n gweddu i chi gyda’n dewis o raglenni hyblyg a chyda dulliau dysgu y gellir eu haddasu i’ch siwtio chi.